Семейде күйеуін көсеумен сабаған әйел 3 жылға сотталды
Фото: Ru.freepik.com
Семейде 36 жастағы әйел отбасылық жанжал кезінде күйеуін көсеумен ұрып, сотталды. Бұл туралы Stan.kz ақпарат агенттігі Polisia.kz порталына сілтеме жасап хабарлайды.
Ерлі-зайыпты отасқанына 16 жыл толуына орай дастархан жасап, ішімдікпен атап өткен. Дастархан басында олар сөзге келіп қалып, әйел көсеумен күйеуінің басынан және денесінен ұрған. Жәбірленуші жарақат салдарынан ауруханаға жеткізілді.
Сот әйелді үш жылға бас бостандығынан айырды. Алайда оның асырауында екі кәмелетке толмаған баласы барын ескере отырып, жаза шартты түрде белгіленді. Әйел Затон аудандық пробация қызметінің бақылауына алынды.
“Сотталушыға жазаны өтеу тәртібі мен шарттары түсіндірілді, сонымен қатар жұмысқа орналасуына көмек көрсетілді. Ол жергілікті жеке кәсіпкердің біріне жұмысқа қабылданды", — деп мәлімдеді аудандық пробация қызметінің басшысы Ерлан Қыдырманов.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр