Ішімдік ішкен азамат дәл осы жерде пойыз рельсіне қасақана басын қойған. Адам қарасы көп жүретін базар сыртынан өтетін жолдың бойында келе жатқан жүк пойызының астына кенеттен секірген азаматты байқап қалған машинист уақытында тежегішті басып үлгерген. Бас сүйегі қатты зақымданған 45 жастағы азамат жедел түрде облыстық ауруханаға жеткізілген.

“Теміржолда суицидальная попытка болған, сол кезде поездін астына секірген. Біздің орталыққа түскен кезде жағдайы ауыр болды. Дұрыстап есі жоқ, сандырақтап жатты. Бірінші рет көрген кезде бетінде көп жаралары бар, жарақат алған. Қансырап жатты”, – дейді жоғары санатты дәрігер-нейрохирург.

Ал машинистер жүйіткіген пойызды жылдам тоқтату өте қиын екенін айтады. Мәселен, қала ішінде сағатына 40 шақырым жылдамдықпен жүретін пойызды кем дегенде 150-200 метрден соң ғана тежеу мүмкін екен. Ал қала сыртында сағатына 120 шақырымға дейін жүйіткейтін пойызды тоқтату үшін 400 метр қажет.

“Шұғыл қолданыстардың тежеуіш қолданғанның арқасында локоматив бригадасының жанағы адамның денсаулығын сақтап қалады. Машинист көмекшісі медициналық көмек көрсетіп жатқан кезінде «өмір сүргім келмейді, неге мені сақтап қалдыңыздар» деген сөздері естіледі”, – дейді Семей пайдалану локоматив депосы, тепловоз машинисі Асет Амангазинов.

Аман қалған азаматтың бұл ісі өз өзіне қол жұмсау екені анық дейді олар. Семейде мұндай пойыздың астына түсіп өмірін қимақ болғандар саны жыл басынан бері оныншы рет тіркеліп отыр екен. Оның жетеуінде азаматтар аман қалса, екеуі денсаулықтарына зиян келтіргендер, ал бір адам өмірімен қош айтысқан.

Тағы да оқыңыз:

Алматы облысында әскери борышын бар жоғы үш күн өтеген сарбаз аяқ-асты қаза болды

Алматыда ХҚКО қызметкері азаматтарға қатысты құпия құжаттарды банктегі танысының өтінішімен алғанын мойындады

Шымкенттік мұғалімдер тесттен төмен балл жинап ұятқа қалды

Талқылау