Семей әкімдігі құны 2,6 миллион еуро тұратын қалдықтарды сұрыптауға арналған шетелдік жабдықты далаға тастай салған
Абай облысының прокуратурасы 2020 жылы басталған қатты тұрмыстық қалдықтарды бөлек жинау және сұрыптау желісін құру жобасының іске асырылуынан заңбұзушылықтар тапты. Бұл туралы Stan.kz ақпарат агенттігі хабарлайды.
Фото: depositphotos.com
Бұл жобаға қала әкімдігі мен экология министрлігі қатысқан.
"Алайда, жобаны іске асыру барысында үлкен мәселелер туындағаныбелгілі болды. Шетелдік компания 2,6 миллион еуроға жабдық жеткізген, ал қала әкімдігі келісімшартты орындаудан бас тартып, жабдықты орналастыру үшін ангар салу бойынша шаралар қабылдамаған. Нәтижесінде, қымбат техниканың екі жылдан астам уақыт бойы пайдаланылмай, ашық алаңдарда сақталуы салдарынан ол зақымданып, кепілдік мерзімі өтіп кеткен", - деп хабарлады прокуратура.
Осылайша, прокуратура "немқұрайлылық" бабымен қылмыстық іс қозғады. Ал қала әкімдігі жобаны аяқтап, қалада қатты тұрмыстық қалдықтарды бөлек жинау және сұрыптау жүйесін енгізу бойынша шаралар қабылдағанын мәлімдеді.
Талқылау
"Мықты еркек қана көп әйел ала алады": Тоқал болуға келіскен қазақстандық өмірінен сыр шертті
Кейіпкер: "Жылылықты таппаса екіншіні, үшіншіні, тіпті төртіншіні де іздей бастайды"
"Тегін тамақ беріп, емдік шөптің тамырын тауып әкелді": Оңтүстік Кореяға ем іздеп барған қазақстандық қыз күтпеген жерден кәріс ата-әже тауып алған
Құралай: “Олар бүгіннен бастап сен менің қазақстандық қызымсың, бұл менің немерем” деді