Астаналық косметологтың еркектердің жыныс мүшесінің ұзындығы туралы жазған посты қызу талқыға түскен болатын. Әсел ерлерге физикалық және психологиялық тұрғыдан мықты болуға кеңес берген еді. Оның жазбасын өте кең ауқымда талқыға салғандар үшін, өзінің кеудесін қолымен жауып, іш киіммен тұрған ғана суретін салып жауап берді.

“Жезөкшелердің көбісі секс тақырыбына тыйым салынған өңірлерден болып келеді. Ал тоқал болу – күйеуге шыға алмаған көп әйелдің арманы. Бізде некелескендер де жиі ажырасып кетіп жатады. Біз балалар мен әйелдер суициды бойынша бірінші орында тұр. Тиісінше әйелдердің 50 пайыздан астамы отбасылық зорлықта күн кешіп жүр. Балаларға жыныстық қысым көрсету деректері оңтүстік, батыс аудандарда көп кездеседі. Зорлаушылардың 10 пайызы ғана нағыз педофилдер, 90 пайызы – тек арақ ішіп алып беталды сол әрекетке барғандар. Сондай-ақ, сәби тастап кету мәселелері де сол аймақтардан шығып жатыр.

Екінші сұрақ: Қазақ қызы болсын, басқа ұлттың қызы болсын біздің тәрбиеміз басқалардан өзгеше болуы керек пе? Әлем өзгерді. Адамдарды қазір ортақ көзқарас, білім мен дүниетаным деңгейі, өнер деңгейі біріктіреді. Сәйкесінше қандай кітап оқып, қандай сериал көріп жүрміз, бұл да өте үлкен әсер береді. Ұлттық ерекшелігіне қарай да даралану жолында ескірген дәстүр өркениеттің алға қарай ілгерілеуіне кедергісін тигізеі, – дейді Әсел.

Әлеуметтік желінің жүздеген қолданушылары оны ұятсыз деп атап, қоғамның кері кетуінің көрініс деп бағалаған. Олар қызды ұлттық құндылықтан жұрдай деп, тек өзінің тәнін өте арзан әңгімемен жарнамалап тұр деп пікір қалдырған.

Керісінше, кейбіреулер қызды қолдап, өздерінің ашық-шашын түскен суреттерін желіге жариялай бастады. Олар әркім өз пікірін білдіруге құқылы деп санайды.

13043592_1027985520613747_9192879636052675400_n