Астанада Сарыарқа ауданы прокурорына қарсы қылмыстық іс қозғалды
Астана қаласы Сарыарқа ауданының прокурорына қатысты лауазымдық өкiлеттiктерді асыра пайдалану бабы бойынша қылмыстық іс қозғалды, – деп хабарлайды Stan.kz Бас прокуратураның баспасөз қызметіне сілтеме жасап.
«Астана қаласы Сарыарқа ауданының прокурорына қатысты ҚР ҚК 362-бабы 2-тармағына (Қызмет бабын асыра пайдалану) сәйкес сотқа дейінгі тергеп-тексеру амалдарын бастады», – деп мәлімденеді хабарламада. Мәлімет бойынша, прокурор бұрын күдіктіге қатысты сот тағайындаған санкцияландырған қамауда ұстау бұлтартпау шарасын кепілдікке ауыстырған. Осы дерекке сәйкес қызмет бабын асыра пайдаланды деп күдіктелуде.
Тегеу жұмыстары жүріп жатыр. Прокурор қызметінен босатылды. Тергеу мүддесі үшін әзірге басқа ақпарат жария етілмейді.
Оқи отырыңыз:
Қостанай және Жамбыл облыстарында дабылды ескерту жарияланды
Алматы облысында жалғызбасты ана күйеу жігітін өлтірді деп күдіктеліп отыр
Ақтөбенің 4 тұрғыны ДАИШ-ті насихаттағаны үшін ұсталды
Жол полициясы киімін киген ер адам көшеде қайыр тілеп отыр (видео)