Goldman Sachs және Citigroup сарапшылары бұған дейін Қытай 2024 жылы 4,8-4,9% өсім көрсетеді деп болжаған. Алайда Қытай экономикасының баяу қалпына келе жатқаны және тұтынушылық сұранысты қолдау үшін қосымша ынталандыру қажет екені белгілі болғаннан кейін болжам 4,7%-ға дейін төмендетілді.

Қытайда тамызда өнеркәсіп өндірісі 4,5%-ға өскені атап өтілді. Шілде айында бұл көрсеткіш 5,1%-ға жеткен. Осылайша, жаздың соңғы айында өсім наурыздан бергі ең баяуы болды. Тамызда 2,1% өскен бөлшек саудада да жағдай ұқсас, шілдеде ол 2,7-ға тең.

Citigroup 2025 жылы Қытайдың жалпы ішкі өнімі банк бұрын күткен 4,5% орнына 4,2%-ға ғана өседі деп есептейді.

Өз кезегінде Номура инфрақұрылымға инвестицияның өсуі айтарлықтай бәсеңдегенін айтты. Қаржы секторында жалақыны ауқымды қысқарту бар. Сонымен қатар жаңа үй құрылысы 2023 жылдың жазынан бері ең төменгі деңгейге түсті.

"Қытай экономикасы дағдарыстың екінші толқынына тап болуы мүмкін", – деді Номура сарапшылары.
Олардың айтуынша, бірінші толқын пандемиядан кейін туындаған.

Қытай экономикасына тартылған тікелей шетелдік инвестиция көлемі қаңтардан тамызға дейін 31,5% қысқарды.

Тікелей шетелдік инвестиция көлемі 580 миллиард юаньнан астам (шамамен 81,7 миллиард доллар) деп бағаланды. Сонымен қатар сегіз айда Қытайда шетелдіктердің қатысуымен 37 мыңға жуық жаңа компания пайда болды.

Еске салайық, бұған дейін сарапшылар 2024 жылға жағымсыз болжам жасағанын жазған едік. 2023 жылда болған Украина мен Таяу Шығыстағы соғыстар, бүкіл әлемдегі дамудың тежелуі және температураның жоғарылауынан кейін де келесі жыл жақсы болатынынан үміт аз. Соғыстар мен климаттың өзгеруінен басқа Батыста жаңашылдықтар болып, сол әлемге әсер етеді. АҚШ пен ЕО-да сайлау болатындықтан, бұл биліктің өзгеруіне әкеледі. Мұны сарапшылар Украинаны қолдаудың азаюына әкеледі деп болжады.

Талқылау