"Бөбек" орталығы балаларға сапалы білім беру және олардың денсаулығын жақсарту мақсатында құрылған және көп жылдар бойы бұл міндеттен тайқыған жоқ. Кешенді құрамға енген мектеп, балабақша, колледж және оқу-сауықтыру кешені бүлдіршіндеріміздің жан-жақты дамуы, қамқорлығы мен ықыласы үшін қызмет етіп келеді. Бұл орталықта балалардың жеке дамуы үшін және білім алу үшін жақсы мүмкіндіктер жасалған. Мұны басқа мекемелерден табу қиын. Орталықтың шаруашылық жүргізу құқығындағы республикалық мемлекеттік кәсіпорын болып қайта құрылуы бізді алаңдатып отыр”, – делінген петицияда.

Ата-аналардың айтуынша, бұл өзгерістер көрсетілетін қызметтердің тұрақтылығы мен сапасына кері әсер етеді.

“Басқару формасының өзгеруі орталықтың коммерциялануына әкеліп соғуы мүмкін. Ал бұл балаларға қолжетімді және сапалы білім мен денсаулық сақтау саласына сөзсіз ықпал етеді. Қайта құру орталықтағы кадрлар мен білім беру бағдарламаларының өзгеруіне әкеп соғуы мүмкін. Бұл қазіргі білім беру мен қамқорлық жүйесіне үйреніп қалған балаларға теріс әсер етеді. "Бөбек" орталығы ата-аналар мен балалар арасында кәсіпқойлығымен, тәжірибесімен және білім мен сауықтырудағы бірегей көзқарасының арқасында танымал.

Петицияда балаларды бұл орталыққа орналастыру оңай еместігі айтылған. Көптеген ата-ана балаларының осында оқып, дамып, білім алғанын қалайды.

“Басқару формасын өзгерткеннен гөрі, керісінше, орталық өз миссиясын жалғастыруы үшін оны дамытуға және қолдауға инвестиция салған дұрыс. Біз орталықтың қазіргі күйінде сақталуын қалаймыз және балаларымыздың болашағы үшін оның мүддесін қорғауға дайынбыз. "Бөбек" ұлттық ғылыми-тәжірибелік, оқу-сауықтыру орталығында оқитын балалардың ата-аналарына құрметпен және түсіністікпен қараймыз”, – делінген петицияда.

Айта кетейік, Сара Назарбаева ашқан институт мемлекет меншігіне өткенін және "Бөбек" білім беру орталығы қайта құрылуы жоспарланып отырғанын жазған едік.

Талқылау