Саңыраулар қоғамына қарасты қор басшысы бюджеттен 115 млн теңге жымқырды деген күдікпен ұсталды

Сыбайлас жемқорлыққа қарсы іс-қимыл агенттігі қазақстандық саңыраулар қоғамының "Шығыс" корпоративтік қорының басшысын ұстады. Бұл туралы Stan.kz ақпарат агенттігі хабарлайды.

Фото: Stan.kz 

Шығыс Қазақстан облысында Сыбайлас жемқорлыққа қарсы қызмет қазақстандық саңыраулар қоғамының "Шығыс" корпоративтік қорының басшысы алаяқтық жасады деп ұсталды.

Ол мүгедектерге ымдау тілі мамандары сурдоаударма қызметтерін көрсетті деп бюджеттен өзінің карта шотына 115 млн теңге көлемінде ақша аударды деген күдікке ілінді.

“Қылмыстық-процестік кодекстің 201-бабына сай, өзге ақпарат жарияланбайды”, – делінген хабарламада.

• 4,4 миллион теңге пара алған: Антикор ауыл шаруашылығы министрлігі комитетіндегі тергеудің мән-жайын айтты

• "Жалған құжаттар жасайды": Антикор алаяқтарға қатысты мәлімдеме жасады

Қазір тергеу жүргізіліп жатыр. 

Бұған дейін Алматы облысында "Шаңырақ" бірлестігінің жетекшісі Алмасбек Садырбай 1,2 миллиард теңге ұрлады деген күдікпен ұсталған еді.