Сәкен Бибосынов әлем чемпионатының жартылай финалына жолдама алды
Дубайда IBA ұйымдастыруымен әлем чемпионаты өтіп жатыр. Байрақты бәсекеде Сәкен Бибосынов 54 келіде ел намысын қорғауда. Бұл туралы Stan.kz ақпарат агенттігі хабарлайды.
Ол ширек финалда замбиялық Мвенго Мвалені айқын басымдықпен жеңіп, жартылай финалға жолдама алды.
Енді кем деген де қоржынымызда қола жүлде бар. Бұдан өзге 58 келіде Теміртас Жүсіпов, ал 75 келіде Сабыржан Аққалықов та жартылай финалға өтті.
Алайда 92 келіде Нұрлан Сапарбай ширек финалда сүрінді. Ол армениялық Давит Чалояннан жеңіліп қалды. Осылайша Қазақстан сапынан екінші боксшы ширек финалдан әрі аса алмады. Бұған дейін Серік Теміржанов тәжікстандық Акмал Убайдовпен нокдаун арқылы жеңілген еді.
Айта кетейік, дүбірлі дода 12 желтоқсан аяқталады. Дүниежүзі көз тіккен сынға 118 елден боксшылар қатысуда. Жарыстың жүлде қоры – 8,32 миллион доллар.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды