Руфат Хабибуллин әлем чемпионатында қола жүлде жеңіп алды
Қазақстандық пара жеңіл атлет Руфат Хабибуллин Үндістанның Нью-Дели қаласында өтіп жатқан әлем чемпионатында үздік үштікке енді. Бұл туралы Stan.kz ақпарат агенттігі хабарлайды.
Спортшы найза лақтыру бойынша (F64 санаты) 47,14 метр нәтижеге қол жеткізіп, қола медаль иегері атанды.
Бұл сында алтын жүлде жергілікті спортшы Сумитке бұйырды. Ол найзаны 71,37 метрге дейін жеткізді. Күміс жүлдені 48,38 метр нәтижемен Колумбия атлеті Томас Филип Сато Мине жеңіп алды.
Әлем чемпионатында Қазақстан құрамасы бірнеше спортшымен өнер көрсетуде. Олардың қатарында Дастан Мұқашбеков (F36), Иван Залезняк (F36), Ислам Сәлімов (T13), Еламан Жоламан (F35) және Диана Шапошникова (F40) бар.
Дүбірлі дода 5 қазанға дейін жалғасады. Жарысқа 100-ге жуық елден мыңнан аса спортшы қатысып, 184 бағдарлама бойынша жүлделер сарапқа салынады.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі