Бір ай бұрын Роза Әлқожа “Ақ орамал аруы” атты байқау ұйымдастырған болатын. Әнші байқаудың діни ағымдарға еш қатысы жоқ екенін алдын ала тілге тиек етіп, діни арандатушылықпен шатыстырмауды сұраған-ды. Күні кеше аталған байқаудың жеңімпазы белгілі болды. Бас жүлде астаналық Меруерт Үсеноваға бұйырды.

“Ақ орамал аруы” атты байқаудың шарттарына сәйкес, оған 40 жасқа дейінгі қыз-келіншектер қатысқан-ды. Алғашқы кезеңде республиканың әр аймағынан келген қатысушылар сахнада өздерін таныстырған. Артынша өз өнерлерін көрсетіп, орамалды қалай дәріптейтіндерін көрсеткен. Ал соңғы кезеңде әділқазы алқалары қойған сұрақтарға жауап берген.

14474416_127866801009387_7368430070358081536_n

Дәл осы талаптардың барлығын орындап, 50 қыз-келіншектің арасынан суырылып шыққан Меруерт Үсенова есімді бойжеткен болды. Әзірге жеңімпазға қандай сыйлық бұйырғаны белгісіз. Десе де, ұйымдастырушылар осы уақытқа дейін міндетті түрде бағалы сыйлық ұсынатынын айтқан-ды.

“Кеше өткен “Ақ орамал байқауының” бас жүлдесі астаналық Меруерт Үсеноваға бұйырды. Қыздардың сұлулығына көз тоймайды. Сендерге келіп қатысқандарың үшін мың алғыс. Алғаш рет ұйымдастырылып отырғандықтан қобалжу көп болды”, – дейді Роза Әлқожа. Қатысушыларды марапаттау кезінде концерт қойылып, оларды құттықтауға Алтынай Жорабаева, Айнұр Тұрсынбаева, Серік Ибрагимов, Ғани мен Бота сынды жұлдыздар келді.

Жіберіп алмаңыз:

“Ninety one” әншісі: Қазақтың қаны таза болғандықтан, елімізде сұлу қыздар өте көп

Асхат Тарғынмен жаға ұстасқан асаба төбелестің неден шыққанын айтып берді

Жазира Байырбекова: 20 күн қатарынан тойда жүретін кездеріміз болады

Ерболат Беделхан 91 тобын сырт келбетіне қарап бағаламауға шақырды

Талқылау