9 сәуір күні таңертең әлемдегі ірі алюминий өндіруші компания, сондай-ақ сатудың бесінші бөлігі АҚШ-қа түсіп тұратын «Русал» компаниясының акциялары құлады. Компанияның Гонконгтағы қор биржасы екі есе арзандады. Алюминий өндіруші компания санкцияларға байланысты мүмкін болатын техникалық дефолт туралы ескерту жариялады. Forbes-тың пікірінше, компанияның басшысы Олег Дерипаск 1,3 миллиард доллар, яғни байлығының бесінші бөлігін жоғалтты.

«Русал» компаниясынан кейін «Норильск никель» (15,3 пайыз), «Мечел» (11 пайыз), ВТБ (7,6 пайыз), «Сбербанк» (20 пайыз), «Газпром» (5,3 пайыз) , TMK (9,5%), Новатэк (8,17%) және басқа да ресейлік компаниялардың акциялары да құлдыраған.

Осыдан кейін Мәскеу қор биржасының және РТС индекстері де «қауіпті аймаққа» түскен. 2017 жылдың 16 қарашасынан бастап алғаш рет доллар бағамы 60 рубльден асып кетті, ал еуро 2016 жылдың тамызынан бері бірінші рет 74 рубль бағамын бұзды.

Forbes мәліметі бойынша, 9 сәуір күні ең бай ресейліктердің жағдайы Ресей қор нарығының құлдырауы аясында 12 миллиард долларға жуық қысқарды.

Сарапшылар болса рубль бұдан да қатты төмедеуі мүмкін деп болжап отыр. Сондай-ақ кіші компанияларды қолдау үшін төтенше шараларды қолданғанда, доллар 80 рубльге жетуі мүмкін. Ал Ресей нарығы 2014 жылдың соңындағы күйзеліс жағдайына қайта оралады.

Оқи отырыңыз:

Сауд Арабиялық ханзада 90 мың евроға порноға тапсырыс беріп, төлемей кеткен

Сүйікті кейіпкеріне ұқсағысы келген бойжеткен пластикалық отасыз-ақ “тірі қуыршаққа” айналды (фото)

Жеті жасар қыз марқұм әкесінің құрметіне Килиманджароны бағындырып, әлемдік рекорд орнатты

Мысырлық футбол жанкүйері Ресейде өтетін әлем чемпионатына велосипедпен жолға шықты

Талқылау