"Редан" балалар сектасы: Алматы полициясы сауда үйінде жиналған жасөспірімдерге қатысты пікір білдірді
ЧВК "Редан" деп аталатын топ жайлы хабарлама әлеуметтік желіде көптеп тараған. Сонымен қатар балаларды сауда үйіне жібермеу керегі айтылған хат та ата-аналарды алаңдатып қойды. Хатта "Редан" қатысушылары жиналып, жаппай төбелес шығаратыны туралы айтылған деп хабарлайды Stan.kz ақпарат агенттігі 31-арнаның "Информбюро" бағдарламасына сілтеме жасап.
Алматы полициясының ресми өкілі Салтанат Әзірбек демалыс күндері ювеналды полицияның профилактика шараларын қабылдағанын мәлімдеді. Оның сөзінше, 4 наурызда 17:30 шамасында "102" пултіне Бостандық ауданыдағы сауда үйінде жасөспірімдердің жиналғаны туралы ақпарат түскен.
"Жасөспірімдермен заң бұзбау туралы әңгіме жүргізілді. Нәтижесінде кәмелетке толмағандар тарапынан және оларға қатысты құқық бұзушылық тіркелмеді", – деді ол.
"Редан" субмәдениетінің атауы танымал жапониялық комикстен алынған. Олар жиналып, аниме, ойындар секілді түрлі тақырыптарды талқылайды.
2026 жылдан бастап доллар бағасы мен инфляция қалай өзгереді – Экономистер болжам жасады
Салық пен айыппұл өсіп, қымбатшылық басталады: 2026 жылдан бастап Қазақстанда не өзгереді?
70 жастағы зейнеткердің зейнетақысы 2025 жылы 171 588 теңге болса, 2026 жылдан бастап ол 192 816 теңгеге дейін көтеріледі