Путин мен Зеленский алдағы күндері кездеседі – Ақ үй

Фото: kremlin.ru/president.gov.ua

Ресей президенті Владимир Путиннің кеше АҚШ президенті Дональд Трамппен телефон арқылы сөйлесу кезінде Владимир Зеленскиймен алдағы күндері кездесуді жоспарлап отырғанын айтқан. Бұл туралы Stan.kz ақпарат агенттігі хабарлайды. 

NBC News басылымының мәліметінше, бұл туралы Ақ үйдің баспасөз хатшысы Каролин Левитт 19 тамыз күні Ақ үйдегі брифингте айтты.

“Путин кеше онымен тікелей сөйлесті, ал АҚШ президенті бұл туралы БАҚ-қа арналған мәлімдемесінде атап өтті. Себебі әңгімеден кейін сұрақтар туындайтынын түсінді. Бұл ашықтық үшін жасалды”, – деп түсіндірді Левитт.

Бір журналистің сөзінше, Кремль әзірге Путин мен Зеленскийдің кездесуіне нақты келісім бермеген.

“Нық сеніммен айта аламын, АҚШ үкіметі мен Трамп әкімшілігі бұл екіжақты кездесу өтуі үшін Ресеймен және Украинамен жұмыс істеп жатыр”, – деді Каролин Левитт.

Зеленский аумақ мәселесін Путинмен ғана талқылайтынын мәлімдеді

“Қырымнан бас тартып, соғысты тоқтата алады”: Зеленский Трамппен келіссөз жүргізу үшін Вашингтонға барды

Еске салайық, бұған дейін Трамп Путин мен Зеленскийдің кездесуін ұйымдастыруға дайындық басталғанын айтқан еді. 

Press Secretary Karoline Leavitt Briefs Members of the Media, Aug. 19, 2025 https://t.co/xcjaSvdfpt

— The White House (@WhiteHouse) August 19, 2025