"POS-терминал арқылы төлем жасаған": Ақтөбеде алаяқ сегіз IPhone-ды қолды қылды
Ақтөбеде белгісіз біреу ірі сауда нүктесіне келіп сегіз IPhone сатып алған. Дүкеннің шотына келіп түскен ақша 15 минуттан соң сатып алушыға қайтарылған. Бұл туралы Stan.kz ақпарат агенттігі 31-арнаның “Информбюро” бағдарламасына сілтеме жасап хабарлайды.
Фото: Internethaber.com
Алаяқ сегіз IPhone-ның ақшасын POS-терминал арқылы төлеген. Алайда 15 минуттан кейін төленген сома дүкеннің есеп шотынан шығарылды.
Киберқылмыспен күрес басқармасының қызметкерлері алаяқтың POS-терминал арқылы QR-кодпен төлем жасап, ақшаны қалай қайтарғанын анықтап жатыр.
“Аталған дерек бойынша сотқа дейінгі тергеу басталды. Телефонды алған соң белгісіз бағытта кеткен. 15 минутта шотқа түскен қаражат есептен шығарылды. POS-терминалды қоғамдық орындарда қалдырмаңыз. POS-терминалдың сериялық нөмірін ешкімге көрсетпеңіз”, – деп ескертті полиция қызметкерлері.
Полицияның айтуынша, олардың қызмет тәжірибесінде мұндай жағдай бірінші рет болып тұр. Олар саудагерлерді сақ болуға шақырды.
Талқылау
"Үш сағат істейтінді бізде он минутта бітіреді": Германиядағы қазақ дәрігері сүндеттеу ісінде Қазақстан қалай алға кеткенін айтып берді
Отандасымыз жат жерде жүрсе де қазақ елінің дәстүрі мен құндылықтарын күнделікті өмірде сақтауға тырысып жүргенін жеткізді
“Сыйлықтар сыйлап, кемінде бір пәтер алғызатын адам”: Неліктен қазақстандық бойжеткендер тоқал болуға келіседі
Психолог: "Оны көбіне "махаббат" деп түсіндіріп ақталып жатады”