Петропавлдық полицейлердің тосын сыйы қыз-келіншектерді сүйсінтті
Петропавлдың тәртіп сақшылары қаладағы қыз-келіншектерді ерекше флешмоб ұйымдастырып құттықтады. Сондай-ақ, полицейлер нәзік жандар көп еңбек ететін ұжымдарға бас сұғып, оларға тосыннан гүлдер сыйлады, деп хабарлады КТК.
Флешмобқа полицияның 50 қызметкері қатысқан. Әдетте, ауыр қылмыстарға қатысты ұстау операцияларына ғана тартылып, бет-жүзін де көрсетпейтін арнайы жасақ жігіттерінің гүл иіскеп тұрған мейірімге толы көздері ешкімді бей-жай қалдырмады.
Айналып тұрған сегіз саны, лүпіл қағатын жүрек бейнеленген таспаны тәртіп сақшылары әлеуметтік желіге жүктеген екен. Бір күнде 40 мың адам көрген роликтің соңына қыз-келіншектер мыңдаған жылы лебіздерін қалдырыпты. Сондай-ақ, бұл күні тәртіп сақшылары қаланың ауруханалары мен мектептерінде қызмет ететін келіншектер мен өз әріптестеріне тосыннан гүл сыйлады.
Жіберіп алмаңыз:
Қазақстандағы ең сұлу полицей қыз анықталды
Қызылорда облысында мал іздеп жүріп батпаққа батып кеткен 5 адам құтқарылды
Желіде жалаңаштанып ерсі қылығымен танылған қыздың жанкүйерлері пайда бола бастады (видео)
Балабақшадағы қызық оқиға: Ең асыл адам – Нұрсұлтан Назарбаев