“Ол таңғы тоғыздан кешкі сегізге дейін балконның астында жатқан. Кейін маған хабар берді, мен барып оны алып, емханаға жеткіздім. Оның омыртқасы сынған, сондықтан жүре алмайды. Сондай-ақ оған КТ, МРТ жасау керек, арнайы жүруге көмектесетін құрал қажет. Бірақ әзірге менде жүргіштің орнына басқа құралдар бар”, – дейді Наиля.
Мұнша жануарды күтіп, бағудың оңай емес екенін Наиляның өзі де мойындайды.
Ай сайын жем мен емханадағы емге шамамен екі миллион теңге жұмсалады. Жануарларға бейжай қарай алмайтын адамдар көмектеседі. Жануарлардың аш қалмауы үшін ерікті бәрін жасайды. Кешкісін тамақтану орындарын аралап, жануарларға тамақ жинайды, кейде ем-дом ақысын төлеу үшін қарыз алуға да мәжбүр болған. Айтуынша, шамамен төрт ай бұрын қарызданғаны соншалықты кір жуғыш машинасын сатуға тура келді. Ал алты ай бұрын тіпті тоңазытқышсыз сатып жіберген.
Алдағы уақытта ерікті өзінің жеке панажай ашуды жоспарлап отыр. Ол үшін қала тұрғыны 25 сотық жер сатып алған. Болашақта ол жерге 500 ит пен 300 мысыққа дейін орналастыруға болады.
