Павлодар облысының әкімі дәстүрінен жаңылмай, 1 қаңтарда таңертең ат үстінде тікелей эфирге шықты (видео)
Фото: Видеодан скрин
Павлодар облысының әкімі Асаин Байханов Жаңа жылдағы қалыптасқан дәстүрінен жаңылмай, 1 қаңтар күні таңертең ат үстінде тікелей эфирге шықты. Бұл туралы Stan.kz ақпарат агенттігі хабарлайды.
Ол бірнеше жылдан бері өңір тұрғындарын осындай ерекше форматта құттықтап келеді.
“Бүгін дәстүр бойынша атқа мініп жүрмін. Шамамен бір сағаттан асты. Далада салқындау, жел бар. Баршаңызды Жаңа жылмен құттықтаймын! Жаңа жетістіктерге жетіңіздер, ал отбасыларыңызға береке мен молшылық тілеймін. Әрине, табыс тілеймін. Өткен жыл оңай болды деп айта алмаймын, бірақ нәтижелі өтті. Алда әлі де шешімін табуы тиіс көптеген мәселе бар”, – деді Асаин Байханов.
Атқа мінуге деген сүйіспеншілік
Желі қолданушылары әкімнен Павлодарда көбіне қай жерде серуендейтінін сұрап, жылқыны жақынырақ көрсетуді өтінген.
Павлодар облысында әкімнің орынбасары жетімге тиесілі пәтерде тұрып келген
Байхановтың айтуынша, ол айына екі жексенбі атқа мінумен айналысады. Алайда жұмыстың көптігіне байланысты әрдайым мүмкін бола бермейді.
“Әсіресе қыста, аязды күндері, бетке жел соғып тұрғанда атқа мінгенді жақсы көремін”, – деп мойындады әкім.
Еске салсақ, бұған дейін Павлодар облысы әкімі сыртқы киімін 1 миллион 400 мың теңге деп талқылағандарға жауап берген еді.
2026 жылдан бастап доллар бағасы мен инфляция қалай өзгереді – Экономистер болжам жасады
