"Өзімнің күнделігімді жүргізгім келеді": Павлодар облысының әкімі Threads желісінде неге белсенді екенін айтты

Фото: Павлодар облысы әкімдігі

Павлодар облысының әкімі Асайн Байханов Орталық коммуникациялар қызметінде өткен брифингте өзінің Threads әлеуметтік желісін жүргізу себебін түсіндірді. Бұл туралы Stan.kz ақпарат агенттігі хабарлайды.

"Бізде отбасылық чат бар, балаларым кейде сілтемелер, жарияланымдар жібереді де, "Әке, ана, мынау жақсы идея” дейді. Мен қарап көріп, екі жағдай бар деп ойлаймын. Әлеуметтік желілерде жоқ болсаң, сені сынайды, болсаң тағы сынайды.

Мен де адаммын, мен де азаматпын. Отбасым бар, сіздер сияқты өмір сүріп жатырмын. Бұл жерде өзімнің күнделікті өмірімнің күнделігін сақтағым келеді, жұмысымнан тыс өмірде не болып жатқанын бөліскім келеді. Мен тек бір жұмыспен өмір сүре алмаймын. Әрине, жұмысым бар және 24/7 уақыт бос емеспін. Бірақ таңертең немесе кешке 20-30 минуттық уақытым бар. Сол кезде өз ойларымды бөлісіп, басқалардың не ойлайтынын, жастар немесе орта және үлкен жастағы адамдардың көзқарасын зерттей аламын", – деді Асайын Байханов.

Әкім мемлекеттік қызметке дейін әлеуметтік желілерді белсенді жүргізгенін, жазылушылары көп болғанын айтты.

"Менің ойымша, бұл қоршаған әлемді зерттеудің жақсы мүмкіндігі. Сын әрдайым бола береді, біз адамбыз, бұл табиғи құбылыс және әрдайым біз белгілі бір қысымда жүреміз", – деді ол.

Айта кетейік, бұған дейін Павлодар облысының әкімі Асайын Байханов өңірден халықтың көшуіне пікір білдірген еді.