“Өте ұят жағдай”: Еркін күрестен әлем чемпионы бір жыл бұрын уәде етілген пәтерді әлі ала алмаған
Видеодан скрин
Еркін күрестен әлем чемпионы Нұрқожа Қайпановқа Қазақстан күрес федерациясынан бір жыл бұрын сертификаты табысталған пәтер әлі күнге дейін берілмеген. Бұл туралы Stan.kz ақпарат агенттігі хабарлайды.
Бұл туралы спортшы журналист Аслан Қаженовке берген жауабында айтты.
Журналист әлем чемпионының Талғардағы ағасының үйінде тұрып, күн сайын жаттығу үшін Алматыға келіп-кетуге мәжбүр екенін атап өтті.
"Осы сертификатты алып, пәтерді алмағанына бір жыл болыпты. Өте ұят жағдай. Әлем чемпионы әлі күнге дейін бауырының үйінде тұрады. Өз отбасы бар. Өз өмірі бар. Бірақ, біреудің баспанасын паналауға мәжбүр. Жаттығу үшін Талғардан Алматыға қатынап жүр. Қанша уақыт жоғалтады?! Қанша жүйке жұқартады?! Масқара ғой", – деп жазды журналист.
Айта кетейік, Нұрқожа Қайпанов 2024 жылы 70 кг дейінгі салмақта әлем чемпионы атанған еді.
Талқылау
Қазақстанда тұрғын үйлердің сапасын кім тексереді және өз үйінің қауіпсіз емес екенін білгендер қайда жүгіне алады
Заңгер тұрғын үйдегі ақауларды мүмкіндігінше ертерек құжат жүзінде тіркеудің маңызын атап өтті
“Жыл сайын бала туамын деп жақында көз жұмды”: Қазақстандық әйелдер ер адамдардың вазэктомия жасатуын талап етіп жатыр
Уролог вазэктомияның ер адамдардың денсаулығына әсерін түсіндірді