Отбасын сақтап қалу үшін: Ер адам әйелінің терісін сыдырып алып, денесін бөлшектеп, тоңазытқышқа жасырып қойған

АҚШ-тың Канзас штатының тұрғыны өзіне қол жұмсап өлген әйелінің терісін сыдырып алып, оны «балық деп ойласын» деген мақсатта денесін бөлшектеп тастап, тоңазытқышқа салып қойған. Ол бұл әрекетін отбасын сақтап қалу үшін жасаған. Әйелі Джессика Монтейро өзіне қол жұмсағандықтан, күйеуі Джастин Рей екі баласын тартып алады деп қорыққан.

Бұл туралы Mirror басылымына сілтеме жасап Stan.kz хабарлайды.

Джастиннің сөзінше, былтыр Джессика қыз баланы дүниеге әкеліп,  артынша суицид жасаған. Күйеуі құтқару қызметіне хабарласудың орнына, 8 сағат бойы әйелінің мәйітін бөлшектеп, тоңазытқышқа жасырып қойған.

«Мен осылай жасауым керек болды. Өз отбасымда қатты бағалаймын. Сондықтан оны сақтап қалу үшін, осындай қадамға бардым», – дейді Джастин Рей.

2017 жылдың 24 қазанында полицияға қоймада адамдар бар екені туралы қоңырау түскен. Полиция үйге келген кезде, жаңа туған баланы көтеріп тұрған Джастин мен екі жасар қызын көрген.

Артынша ер адамның балаларын анасының мәйітімен суретке түсуге мәжбүрлегені анықталды.