Оралда ер адамның басына кірпіш құлап кетті
Оралда ер адамның басына кірпіш құлап кетті. Ер адам оқиға орнында көз жұмған. Бұл туралы Stan.kz ақпарат агенттігі Мой Город басылымына сілтеме жасап хабарлайды.
Фото: mgorod.kz
Денсаулық сақтау басқармасының мәліметінше, жедел жәрдем станциясына қоңырау сағат 15:03-те түскен. Ер адам Молдағұлова көшесінде салынып жатқан ғимараттың жанынан өтіп бара жатқанда оның үстіне кірпіш құлаған. 60-65 жас шамасындағы азамат оқиға орнында көз жұмды.
-
Алматы облысында қаза тапқан ер адам 6 адамның өмірін сақтап қалды
-
Атырауда құрылысшы бесінші қабаттан құлап, көз жұмды: Екіншісі ауруханада жатыр
БҚО полиция департаменті оқиғаға қатысты түсініктеме берді.
"29 қаңтар күні салынып жатқан 9 қабатты тұрғын үйдің жанында құрылыс жұмыстары кезінде биіктен кірпіш құлап, сол маңнан өтіп бара жатқан ер адамға тиген. Жарақаттың ауырлығынан ол оқиға орнында көз жұмды. Аталған факті бойынша қылмыстық іс қозғалды. Тергеу жүргізіліп жатыр", – делінген хабарламада.
Еске салсақ, бұған дейін Алматыдағы құрылыс алаңында жұмысшы биіктен құлап, қаза тапқаны туралы жазған едік.