Оңтүстік Кореяның барлау қызметі DeepSeek-ті жеке деректерді шамадан тыс жинайтыны үшін айыптады
Оңтүстік Кореяның ұлттық барлау қызметі (NIS) қытайлық DeepSeek жасанды интеллект қолданбасы жеке деректерді шамадан тыс жинайды деп айыптады. Айтуынша, платформа алгоритмдерін үйрету үшін барлық пайдаланушы енгізген ақпаратты рұқсатсыз пайдаланады. Бұл туралы Stan.kz ақпарат агенттігі Reuters порталына сілтеме жасап хабарлайды.
Фото: adnanguney.com
NIS мәліметтері бойынша, DeepSeek адамдардың теру жылдамдығын, пернелерді басу арасындағы кідірістерді және басқа мүмкіндіктерін бақылау арқылы саусақ ізін анықтауға тырысады. Кейін бұл қытайлық компаниялардың серверлеріне, соның ішінде volceapplog.com доменіне жіберіледі.
Осыған байланысты NIS мемлекеттік органдарға сақтық шараларын қолдануға кеңес берді.
NIS сонымен қатар DeepSeek жарнама берушілерге пайдаланушы деректеріне шектеусіз қол жеткізуге мүмкіндік беретінін мәлімдеді. Одан бөлек платформа оңтүстіккореялық деректерді Қытай серверлерінде сақтайды екен. Барлау мәлімдемесінде Қытай заңнамасында мұндай ақпаратқа қол жеткізуді сұрауға мүмкіндік беретіні көрсетілген.
DeepSeek өкілдері бұл жағдайға әлі түсініктеме берген жоқ. Сонымен қатар Қытайдың Сыртқы істер министрлігі 6 ақпанда үкімет деректерді қорғау туралы заңдарды құрметтейтінін жеткізді. Сол үшін компаниялардан оларды бұзуды талап етпейді екен.