Ғалымдар омикрон штамының қалай пайда болғанын айтты

Гарвард қоғамдық денсаулық сақтау мектебінің қызметкері Чан Сикхулиле Мойо омикрон штамының  пайда болуының болжалды себебін ұсынды. Бұл туралы Stan.kz ақпарат агенттігі РИА Новостиге сілтеме беріп хабарлайды.

Оның айтуынша, омикрон штаммы вирус адамнан жануарға берілгеннен кейін пайда болды. Ол тез арада бейімделіп, адамдарға қайта оралған.

"Біз әлі де қысқа мерзімде осыншама көп мутация пайда болғанын түсінуге тырысып жатырмыз. Егер сіз алдыңғы штамдарға, альфаға, бетаға қарасаңыз, уақыт өте келе мутациялар пайда болғанын көресіз", – дейді SARS-CoV-2 жаңа нұсқасын бірінші болып анықтаған зерттеушілердің бірі.

Мойоның айтуынша, вирустың жаңа штаммының бүкіл әлемге тез таралуы алаңдаушылық тудырады. Ол өзіне мутация үлгісін жинақтайтын сияқты.

Айта кетейік, B. 1.1.529 атты жаңа штамм 20 қарашада Ботсвана мен Оңтүстік Африкада табылды. Оның құрамында S-ақуызында ондаған мутация бар. Мутация патогенді жасушаларға жұқтыру үшін қажет.

Зерттеушілердің пікірінше, SARS-CoV-2 геномындағы көптеген жаңа өзгеріс науқастар мен вакцина алғандардың антиденелеріне төзімді екенін көрсетеді. 

Сарапшылардың пікірінше, B. 1.1. 529 бастапқыда омикрон иммунитеті әлсіреген адам ағзасында дамыған. Ол СПИД немесе ВИЧ-пен ауыратын адам болуы мүмкін.

Дүниежүзілік денсаулық сақтау ұйымы B. 1.1.529- ны "алаңдаушылық тудырады" деп таныды және оған грек алфавитінің 15-әрпі бойынша "омикрон" атауын берді. Сарапшылар қазірдің өзінде ауырып, вакцинацияланған адамдар да оны жұқтыруы мүмкін деп санайды. Ал вирустың белгілері – бас ауруы және денедегі ауырсыну.