Олжас Сүлейменов Нобель бейбітшілік сыйлығына ұсынылды
Фото: Алиф ТВ видеосынан скриншот
"Байтақ" жасыл партиясы жазушы Олжас Сүлейменовті Нобель бейбітшілік сыйлығына ресми түрде ұсынды. Бұл туралы Stan.kz ақпарат агенттігі хабарлайды.
"Байтақ" баспасөз қызметінің хабарлауынша, бастаманы партия төрағасы Азаматхан Әміртаев жариялады.
Бұл шешім партияның азаматтық ұстанымын және Олжас Сүлейменовтің жаһандық бейбітшілік пен ядролық қауіпсіздікті нығайтуға қосқан елеулі үлесін мойындау ретінде жасалды. Оның "Невада-Семей" қозғалысындағы жұмысы Семей ядролық сынақ полигонының жабылуында маңызды рөл атқарды.
Сүлейменовтің бастамасы мен Қазақстан бастаған халықаралық науқанның арқасында әртүрлі елдердегі (соның ішінде Невададағы) тағы төрт ірі ядролық сынақ полигоны жабылғаны атап өтілді.
"Байтақ" партиясы Олжас Сүлейменовтің жетістіктерін халықаралық деңгейде тануды ел мен халықаралық қауымдастық алдындағы моральдық міндет деп санайтынын атап өтті.
Партия өкілдері Нобель комитетіне Олжас Сүлейменовтің кандидатурасын қарау туралы ұсыныспен үндеу жолдады.
Еске салсақ, Трамп Иран мен Израиль арасында “бейбітшілік орнатудағы” рөлі үшін Нобель сыйлығына ұсынылған еді.
Алматы әкімдігі тұрғындардың наразылығын тудырған эстакадаға қатысты суретке түсініктеме берді
