Өлтіріп, көлігін ұрлап кеткен: Ақмола облысында аса қатыгездікпен кісі өлтірген ер адам 25 жылға сотталды
Ақмола облысында аса қатыгездікпен кісі өлтіру ісі бойынша үкім шығарылды. Бұл туралы Stan.kz ақпарат агенттігі хабарлайды.
Кісі өлтіру оқиғасы 2023 жылдың қараша айында болған.
"Бұланды ауданы, Макинск қаласында 2023 жылдың қараша айында айыпталушы Б. ерекше қатыгездікпен жәбірленушіні К.-ны өлтіріп, жараланған К.-ны көлікпен басып, автокөлікті ұрлап, бөтеннің мүлкін қасақана бүлдірген. Қылмыстық іс алқабилердің қатысуымен қаралды. Алқабилер алқасының үкімімен Б.-ны аса қатыгездікпен кісі өлтіру, бөтеннің мүлкіне қасақана зиян келтіру үшін кінәлі деп танылды. Сот үкімімен Б. 25 жылға бас бостандығынан айырылды", – делінген хабарламада.
Сот шешімімен сотталушыдан жәбірленушілердің пайдасына 10 миллион теңге моральдық шығын мен 1,5 миллион теңгеден астам материалдық шығын өндірілді.
Соттың үкімі заңды күшіне енген жоқ.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді