Мұны жаман ырымға балағандар әлеуметтік желіде шу шығарды. Деректерге сенсек, тіпті әрқайсысын 150 мың теңгеден сатқандар да болған екен. Алайда жұрт "бұл өлім шақырғанмен бірдей" дейді.

“Сұмдық жағдай. Сорақы жағдай. Хабардармыз, көріп жатырмыз. Ертеректе дін өкілдері тарапынан сондай салт болған дегенді көркем әдебиеттен оқитынбыз. "Табыт қағу салты" дейді. Түсім азайып кетті, пайда жоқ, өлім-жітім азайып кетті деп, сондай сұмдық жасайтын болған екен ертеректе. Сол сияқты, қазақтың өзі ырым-тыйымы да бар ғой. Қазылып қойған көр адамның өлімін тілеп жатады”, – деді Қуаныш Оспан:

Қоғам пікірі екіге жарылып, бірі дәстүрімізде жоқ нәрсе, жаман ырым десе, екінші жақ ауа райының қолайсыздығына байланысты осылай қабірді ерте дайындаған дұрыс дейді.

Қостанай облысында жаназаға дейін ас беруге тыйым салынды

“Туысқандар тамақ ұрлайды, басқалар өтірік жылап, үйді сынайды”: Қазақстандықтар жаназаны дұрыс шығарып жүр ме

“Үш-төрт адамның күшімен қазу мүлдем мүмкін емес. Сондықтан да зират басында қазылып қойған қабірлердің бір сыры осында ма деп ойлаймын. Өйткені бүгін адам қайтып, ертең жерлеу керек болса, екінші күні зират басындағы бір-екі адаммен ғана қазу мүмкін емес. Оған қазір туыстары да бара қоймайды”, – деді Бақыт Смағұл.

Ал ислам дінін насихаттаушы имамдар бұл жағдай бұрын да болған дейді. Сондықтан халықты сабырға шақырып, мәселеге түсіністікпен қарауды өтінді.

“Зират қыста ғана, осылай кейінгі екі жылда қазылып келе жатыр. Күзде, қыста жер қатты болғандықтан, осындай бірнеше қабірді алдын ала қазып қояды. Бұл кейінгі бір жылда, екі жылда қардың аз түсуіне байланысты, жер бір жарым метрге дейін қатып қалады. Қыста кейбір мәйіт 3-4 күнге кешігіп қалған кездер де болды”, – деді Науан Хазірет мешітінің наиб имамы Ұлан Беркімбайұлы.

Халық наразылығынан кейін қазылған қабірлер қайта көмілген.

Талқылау