Оқырмандары Ділназ Ахмадиеваға репертуарын жаңартуға кеңес берді (видео)
Әнші Ділназ Ахмадиеваға тыңдармандары репертуарын жаңартуға кеңес берді.
Бұл туралы Stan.kz хабарлайды.
Жуырда Ахмадиева караоке-барда орындаған әнін желіге жүктеді. Әншінің даусына, талантына тебіренген тыңдармандар оған бірнеше кеңес берді. Бірі Ахмадиева орындаған шетелдік The Fugees тобының Killing me softly әнін жоғары бағалап, әншінің репертуарына осындай әндердің жетіспейтінін айтқан. Келесі бір оқырман отандық сазгерлерге сын тақты.
Зәуреш Түсіпбекова: «Күн сайын Қазақстан эстрадасының әншілерін бақылап отырамын. Сіздің деңгейіңіз өте жоғары. Луина, Мақпал сіздің қатарыңызға қосылады. Бірақ №1 әнші – сіз. Еркеш, Ринат сынды отандық сазгерлерден неге осындай талантты қызға ән жазбайтынын сұрағым келеді. Иә, олар Ресейдің әншілеріне жазады екен ғой, әлде олардың сұрайтын ақысын сіз төлей алмайсыз. Репертуарыңыз онша емес, даусыңызды тыңдай отырып, сіз айтатындай әндер жайында ойланамын», – деген екен.
Өзге желі қолданушылары: «қуатты, мықты дауыс», «тамаша», «кәсіби деңгейдегі орындау», «супер», «шексіз әдемі дауыс», – деп пікір білдірген.