Облыс әкімдері қол астындағы басшылардың жұмысқа тағайындалуын министрлермен келісетін болады
Әкімдіктегі әрбір бөлім басшысының тағайындалуы сол саланың министрлігімен келісілетін болады. Бұл ереже «ҚР-ның мемлекеттік қызмет және сыбайлас жемқорлыққа қарсы заңнамалық хаттамаларға өзгертулер мен толықтырулар енгізу» туралы заңда қарастырылған. Аталған заң парламентте қабылданып, президентке қол қою үшін жіберілді, деп хабарлайды Stan.kz ақпарат агенттігі.
Бастаманы ұсынған депутаттардың бірі Ерсұлтан Бектұрғановтың сөзінше, бұл заңнама мемлекеттік қызметкерлердің жауапкершілігін арттыруға септігін тигізетін көрінеді.
«Қазір облыстық басқару қызметінің басшылары әкімдердің тағайындауы және министрдің келісімі бойынша қызметке ие болады. Сонымен қатар әкімдер қол астындағы басшыларды орнынан босатуы да министрмен келісіледі. Бұл ереже жаңа заңда көрсетілген», - деді Бектұрғанов.
Бұған қоса жаңа заңда көрсетілгендей, егер вице-министрі сыбайлас жемқорлықты жүзеге асыру барысында ұсталса, оның басшысы – министр де жұмысынан кету туралы өтініш білдіруі шарт екен.
Алматылықтарға жер сілкінісінен қорғайтын арнайы "қауіпсіздік торы" ұсынылды
Құрылғының көлемі шамамен лифт кабинасындай болады және оған бір отбасы сыя алады
Топ чемпионатта ойнағым келеді, ал білім мен спортты қатар алып жүру маңызды қағидам — Әділет Садыбеков
Әділет Садыбеков – Чемпиондар лигасында гол соққан үшінші қазақ футболшысы