Нұрлан Сабыровтың жұбайы Ресейдегі кәсібін жаба бастады – БАҚ
Ресейлік БАҚ-та Нұрлан Сабыровтың жұбайы елдегі бизнесін жаба бастағаны туралы ақпарат тарады. Бұл туралы Stan.kz ақпарат агенттігі хабарлайды.
Mash Telegram-арнасының мәліметінше, Нұрлан Сабуровтың әйелі Диана 2025 жылы сусындар мен темекі өнімдерін саудалау үшін тіркелген “ДС Ритейл” компаниясын жойған.
“Кейінгі 12 айда компания активтері 1 миллион рубльге (5,8 миллион теңге) дейін өскен. Алайда наурыз айының басында Диана кәсіпорынды жабу туралы өтініш берген”, – делінген хабарламада.
Сабыровтың жұбайының бизнесін жауып жатқаны туралы ақпаратты РИА Новости де БИР-Аналитик деректеріне сілтеме жасап растады. Онда Диана Сабырованың “ДС Ритейл” компаниясының жалғыз құрылтайшысы екені айтылған.
“Компания 16.03.2026 жылдан бастап тарату процесінде”, – делінген тіркеу құжатында.
Сонымен қатар басылым Диана Сабырованың Ресейде жеке кәсіпкер ретінде тіркелген бизнесі әлі де бар екенін жазды. Ол биыл 5 ақпанда, күйеуіне Ресейге кіруге тыйым салынғаннан бірнеше күн өткен соң тіркелген.
Жеке кәсіпкер ретінде ол жарнама агенттіктерінің қызметімен айналысуға, сондай-ақ түрлі демалыс пен ойын-сауық шараларын ұйымдастыруға құқылы.
"Мұндай тыйым тіпті Зеленскийге салынбаған": Нұрлан Сабыров өз-өзін кекетті
Ұлттық қауіпсіздік комитеті "Вагнер" жауынгерлеріне мотоцикл берген Нұрлан Сабыровты тексеріп жатыр
Айта кетейік, бұған дейін ресейлік БАҚ-та қазақстандық танымал әзілкеш Нұрлан Сабыровқа Ресейге 50 жылға кіруге тыйым салынғаны жөнінде ақпарат тараған еді. Кейінірек оның Ресей азаматтығын алудан бас тартқаны белгілі болды. Сондай-ақ Сабыровтың Ресейге қайтып оралу шарттары жарияланған.
Артынша Сабыровтың Украинаға қарсы соғысып жатқан Ресейдің “Вагнер” ЖШС жауынгерлеріне 10 мотоцикл беріп, "Барлығы жеңіс үшін" қорына 2 млн рубль аударғаны туралы ақпарат тараған. Артынша Қазақстанның Ұлттық қауіпсіздік комитеті осыған қатысты тексеру жүргізіп жатқаны белгілі болған. Алайда Қазақстанда Нұрлан Сабыровқа қатысты қылмыстық іс қозғалмаған.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
