Нұрсұлтан Назарбаев үш мектеп оқушысының тілегін орындады
Қазақстан президенті Нұрсұлтан Назарбаев үш мектеп оқушысының жаңа жылдық тілектерін орындады. Бұл туралы Ақорданың баспасөз қызметі хабарлайды.
Фото: Ақорда
Президент “Аяз Атаға хат жаз” бастамасын қолдаған. “Қазпошта” АҚ 2014 жылдан бастап қолға алған бұл жоба балғындардың тілектерін орындап келеді.
“Бұл жылы Нұрсұлтан Назарбаев павлодарлық Ардақ Шалабаевтың тілегін орындады. Ол Аяз Атаға ЭКСПО-2017 көрмесіне билет беруді сұрап хат жазыпты. Халықаралық көрмені лайықты атқарып шығу еліміздің негізгі мақсаты. Осы ретте мемлекет басшысы 11 жастағы Ардаққа Астанадағы ЭКСПО көрмесіне қатысу үшін төрт билет сыйлады”, – делінген баспасөз хабарламасында.
Атырау облысы, Махамбет ауданындағы арнайы мектеп-интернатының оқушысына президент тігін машинасын сыйласа, қызылордалық 6 жасар Нұрислам Серіковқа балалар әдебиеті мен Lego конструкциясын табыс етті.
Қазақстандықтар үшін шетелге демалуға ең тиімді айлар аталды
Компания өкілі: "Демалысты кемінде үш ай бұрын брондау арқылы туристер тур құнын 40 пайызға дейін үнемдей алады"
"Денем кез келген уақытта ісіп кетеді": Қазақстандық өзінің ісік ауруымен ауыратынын 50 жылдан кейін ғана білген
Қазақстанда шамамен 700-ден 1500-ге дейін пациент болуы мүмкін