Астанада 80 жастағы әйелді зорлап, өлтірген ер адам 9 жылдан кейін ұсталды
Фото: ІІМ кадрларынан скрин
Астанада 80 жастағы әйелді өз үйінде қатыгездікпен өлтірген қылмыскер 9 жылдан кейін ұсталды. Ол зейнеткерге зорлық көрсетіп, ұрып-соғып, ізін жасырған. Бұл туралы Stan.kz ақпарат агенттігі хабарлайды.
Оқиға орнында криминалистер көзге әрең байқалатын биологиялық іздер тауып, солардан ДНҚ-код бөлініп алынған.
Тоғыз жыл бойы қылмыс ашылмай келді. Алайда ІІМ-нің заманауи молекулалық-генетикалық зертханасы мен ДНҚ деректер базасының көмегімен сәйкестік анықталып, 65 жастағы күдіктінің жеке басы белгілі болды. Ер адам ұсталып, уақытша ұстау изоляторына қамалды. Ол кінәсін мойындаған.
-
Алматыда тұрғын үй кешенінде курьер ескерту жасағаны үшін күзетші әйелді ұрып кеткен
-
Германияда экс-судья Сайлыбаеваның өліміне күдіктілер әлі қамауға алынбаған
ІІМ Оперативтік-криминалистикалық департаментінің бастығы Сергей Стихеев атап өткендей, қазіргі криминалистика әдістері арқылы ауыр және аса ауыр қылмыстарды арада көп жыл өтсе де ашуға мүмкіндік бар. Бұл оқиға "жазадан ешкім жалтарып қалмайтынын" дәлелдейді.
“Қазақ әйелін аяққа таптайды, байлар жарысады: Тоқал алуды заңдастырудың соңы неге әкеп соғады?
