"Сегіз баланың анасымын, көмектесіңіз": Шымкентте шетелдік қыздар қайырымдылықты сылтауратып, алаяқтық жасаған
Фото: Оtyrar.kz
Шымкент қаласында полиция қызметкерлері көшеде күмәнді заттар сатып жүрген төрт қызды ұстады. Тексеру кезінде олардың барлығы шетел азаматшалары екені анықталды, біреуі кәмелетке толмаған. Бұл туралы Stan.kz ақпарат агенттігі Оtyrar.kz порталына сілтеме жасап хабарлайды.
Полицияның мәліметінше, қыздар ылғал майлықтар салынған қораптарды сатып, оларға "Мен сегіз баланың анасымын, өтінемін, мына майлықты сатып алыңыздар" жазуы бар қағаздар қоса таратқан.
Осылайша олар адамдардың аяушылығын тудырып, ақша алу мақсатында әрекет еткен. Полиция қыздармен түсіндіру және алдын алу жұмыстарын жүргізіп, Қазақстан аумағында еңбек пен кәсіпкерлік қызметті заңды түрде жүргізу қажеттігін еске салды. Кәмелетке толмаған қызбен ата-анасының қатысуымен бөлек әңгімесі өткізілді.
-
Депутаттың дауысы мен түрін қолдан жасағандар оның туыстарын алдамақ болған
-
Пәтер ұтып алу үшін сауда үйінде ішкиіммен жүгірген қазақстандық 15 тәулікке қамалды
Полицейлер мұндай әрекеттер қайырымдылық түрінде жасырып жасалатын алаяқтыққа жататынын айтып, тұрғындарды сақ болуға шақырды.
Халық елде жұмыс, үкімет 500 мыңға жұмыс істейтін адам жоқ дейді. Елде жоғары айлықты кімдер алады?
