Ташкентте соңғы 150 жылдағы ең жоғары температура рекорды тіркелді
Фото: freepik.com
4 шілде күні Ташкенттегі "Ташкент-Обсерватория" метеостанциясында ауа температурасы 43,5 градусқа дейін көтерілді. Uzb_Meteo деректеріне сәйкес, бұл көрсеткіш – 1868 жылдан бері астанада жүргізіліп келе жатқан бақылаулар тарихындағы ең жоғары температура. Бұл туралы Stan.kz ақпарат агенттігі хабарлайды.
Өзбекстан бойынша барлық уақыттағы абсолютті температура рекорды 1997 жылдың 18 шілдесінде тіркелген. Ол кезде термометр бағаны 44,6 градусқа жеткен. Ташкенттегі жаңа рекорд ел бойынша абсолютті максимумнан небәрі бір градус қана төмен.
Мұнда аномальды ыстыққа байланысты медициналық көмекке жүгінгендер саны күрт өскен. Дәрігерлердің мәліметінше, жедел жәрдем мен емханаларға 250 мыңға жуық адам жүгінген. Олардың көбі қарттар мен созылмалы ауруы бар науқастар.
Еске салсақ, осы уақытта Бішкекте де аномальды ыстық тіркеліп, қоғамдық көліктегі температура 61 градусқа дейін жеткен еді. Мұнда тіпті көшелерде адамдар талып қалып жатты.
Қазақстаннан арзан бензин тасып, Қырғызстанда қымбатқа сатады: Шекарада кептеліс мәселесі неге шешілмей тұр
Жанармай тасымалдаушылардың бірі осындай іспен күн көріп отырғанын айтады
"Мәйіттің арқасы көгерген": ҚазҰУ-да жатақханадан өлі табылған студенттің анасы қызының өліміне қатысты күмәнін айтты
Қыздың анасы қызының өліміне қатысты барлық мән-жайдың анықталып, шындықтың ашылғанын қалайтынын айтты