"Даналықты меңгерген ментор, рухани ұстаз": Назарбаевтың келіні қоғам алдына шығып, сынға қалды
Фото: Іс-шара кадрларынан скрин
Астанада Назарбаев Университетінің Жоғары бизнес мектебі Executive MBA бағдарламасының түлектеріне арналған шара ұйымдастырылды. Онда Нұрсұлтан Назарбаевтың келіні Аида Әлиева спикер ретінде қатысты. Шара университет қабырғасында емес, қаланың элиталық қонақүйлерінің бірінде өткен. Бұл туралы Stan.kz ақпарат агенттігі хабарлайды.
Аида Әлиева – Орталық сайлау комиссиясының төрағасы Берік Имашевтың қызы, Нұрәлі Әлиевтің жұбайы. Шарада Аида өзін ментор және коуч және Sonder Wellness, Janym және Zhanartu қайырымдылық қорларының негізін қалаушы ретінде таныстырды.
Пікірталаста ол қорқынышпен күресу, өмірлік өзгерістер және өзін-өзі дамыту тақырыптарында ой бөлісті.
"Қорқыныш әрқашан болады. Бірақ оған билік беруге болмайды. Қателер болады, бірақ олармен сіздің бағытыңыз анықталмайды. Маңыздысы – қайда бара жатқаныңызды нақты білу", — деді ол.
Аида Әлиева Instagram парақшасында рухани даму, психологиялық жарақаттар, өзін кінәлі сезіну, күш-қуатыңды соратындар мен танымал тұлғалардың психотиптері туралы жиі жазады.
Іс-шараға БАҚ өкілдері еркін қатысқанымен, тілшілерге шектеулер қойылып, кейін жұмысын жалғастыруға рұқсат берілген. Бұған себеп шараға Аида Әлиеваның қатысуы мен университетке қатысты жабық ақпараттарға байланысты болуы мүмкін деген болжам бар. Назарбаевтың келінінің шарадағы айтқандары мен кейбір жайттар өзгелерге ұнамаса керек. Журналист әрі блогер Алмат Азади бұл кездесуге қатысты өз пікірін былай жеткізді.
"Өмірлік тәжірибесі мол, қарапайым халықтың мұң-мұқтажын жақсы білетін, даналықтың барлық кезеңінен өтіп, рухани дамудың төрт сатысын меңгерген, ментор әрі рухани ұстаз атағына аз ғана жетпей тұрған Аида Әлиева трансформация мен даму құпиялары туралы жомарттықпен бөлісті. Тыңдаушылар қандай терең ой түйді екен? Мұны тек болжау керек? Бәлкім, енді бағдарламаға "Рухани тереңдік – отбасыдан басталатын ғұрып" деген жаңа пән енгізілер", – деп жазды ол.
Іс-шарада Аида Әлиева ұстамды, бірақ талғаммен үйлестірілген киімімен көзге түсті. Жасанды интеллектің бағалауынша, оның образындағы элементтер қымбат сән үйлеріннен және жалпы образының бағасы шамамен 2,2 миллион теңгедей болады.
Аида Әлиева – Швейцария мен АҚШ-та білім алған, көпшілік алдына жиі шықпайтын, бірақ қоғам назарынан тыс қалмайтын тұлға. Қазір ол жеке блогы, әлеуметтік жобаларымен өзіндік стилі арқылы жеке бренд қалыптастырып келеді.
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
