"Ұстаздарды құрметтеу керек": Оқу-ағарту министрлігі Назарбаев мектебінен шығып қалған оқушының дауына қатысты пікір білдірді
Оқу-ағарту министрлігі Назарбаев зияткерлік мектебінен оқу жылының аяқталуына екі күн қалғанда шығып қалған 11-сынып оқушысының жағдайына қатысты пікір білдірді. Бұл туралы Stan.kz ақпарат агенттігі хабарлайды.
Министрлік ресми мәлімдеме жасап, Қазақстанда мұғалім мәртебесі заңмен бекітілгенін және оның қоғамдағы ерекше рөлін атап өтті.
"Ата-аналар мен оқушылар ұстаздарды құрметтеуге тиіс, өйткені білім беру жүйесіне деген сенім ұстаздарға деген сенімнен басталады. Оқу-ағарту министрлігі олардың мәртебесіне нұқсан келтіретін кез келген әрекетті айыптайды. НЗМ тек ішкі тәртіп ережелеріне емес, адамгершілік пен кәсібилік қағидаттарына негізделген шешім қабылдайды деп сенеміз", – делінген хабарламада.
Еске салсақ, Назарбаев зияткерлік мектебі оқушыны бітіру кешіне бір күн қалғанда оқудан шығарып жібергені айтылды. Кейін оқушы кешірім сұрап, өз нұсқасын айтып, президентке үндеу жолдаған еді.
Талқылау
"Арнайы тізім жасалуда": Президент тапсырмасынан соң Қазақстанда кімдердің жәрдемақысы қысқартылады
Экономист: “Зәулім үйде тұрып, баспанасыздарға арналған жәрдемақы алатындар бар”
"Финалда секеңдеп, секіріп дұрыс емес үлгі көрсетемін бе деп қорықтым. Маған шоу көрсет деді..." – Айдос Сұлтанғали
Айдос Сұлтанғали – ХХІ ғасырда грек-рим күресінен әлем чемпионы атанған тұңғыш қазақ балуаны