"Әлі ешкім алған жоқ": Олимпиада жүлдегері Назым Қызайбай ақшалай сыйақы мен пәтер әлі берілмегенін айтты
Фото: Назым Қызайбайдың Instagram желісінен
Бокстан үш дүркін әлем чемпионы Назым Қызайбай Олимпиада медалі үшін берілген жүлделер мен пәтер кілттерін әлі алмағанын айтты. Бұл туралы Stan.kz ақпарат агенттігі Vesti.kz порталына сілтеме жасап хабарлайды.
Назым Қызайбай Парижде өткен 2024 жылғы Олимпиада ойындарының қола жүлдегері атанды. Қазақстан заңнамасына сәйкес, оған 75 мың доллар (39,2 миллион теңге) көлемінде жүлде берілуі қажет.
"Мемлекет беруге тиіс Олимпиада ойындарының қола жүлдесі – 75 мың доллар. Басқа спортшыларға да әлі жіберілмеген. Менің ойымша, әлі ешкім алған жоқ. Жекелей естіген жоқпын", – деп мойындады Қызайбай.
Сондай-ақ боксшы оған Алматы қаласының әкімшілігі берген пәтердің кілттері әлі берілмегенін айтты.
"Ал пәтер туралы айтсақ, Олимпиада ойындарынан кейін бізге көлік, пәтерге сертификат, Алматы қаласында ақшалай сыйлықтар табысталды. Көлік пен ақшалай сыйлықтар бірден берілді. Бірақ олар пәтер бір жарым-екі айдан кейін берілетінін айтты. Алайда алты ай өтті. Жақында ғана басқармадан қоңырау шалып, барлық спортшы қалада болған кезде жинап, кілттерді тапсыратынын айтты. Енді асыға күтіп жүрміз", – деп қосты Назым.
"Оқушылармен бір vibe-тамын": Желіде тренд түсірген мектеп директоры жұрттың ықыласына бөленді
