Ұлттық статистика бюросының мәліметі бойынша, 2024 жылы Қазақстан мен АҚШ арасындағы тауар айналымы – 4,2 миллиард доллар, бұл өткен жылмен салыстырғанда 4% артық (4,1 млрд доллар).

Қазақстанның АҚШ-қа экспорт көлемі 2024 жылы 30,6% артып, 2,0 миллиард долларға жетті. АҚШ-тан Қазақстанға импорт көлемі 2,2 млрд доллар болды.

“Қазақстанның АҚШ-қа экспорт құрылымында негізгі орын алатын тауарлар — шикі мұнай, уран, күміс, ферросплавтар және басқа да тауарлар. Бұл санаттағы өнімдер АҚШ президентінің "Тауарлар саудасындағы маңызды және тұрақты тапшылықты жою мақсатында өзара тарифтер арқылы импортты реттеу туралы" жарлығы бойынша ерекшеліктер тізіміне енгізілген”, – деп мәлімдеді сауда министрлігі.

Трамп Ресейдің санкцияларды алып тастау туралы талабын қарап жатқанын айтты

Ақ үй 43 ел азаматтарының АҚШ-қа кіруіне шектеу қоймақ – NYT

Қосымша баждар белгілі бір тауар топтарына қатысты енгізіледі:

Фосфор (2024 жылы экспорт көлемі 15,9 млн АҚШ доллары);
ферросилиций (12,7 млн АҚШ доллары);
линзалар (4,1 млн АҚШ доллары);
бидай клейковинасы (4 млн АҚШ доллары);
аммоний нитраты (2,4 млн АҚШ доллары).

Бұл санаттағы тауарлардың экспорт көлемі былтыр 95,2 млн доллар болды.

“Қабылданған тарифтік шаралар Қазақстанның АҚШ-қа жалпы экспортының тек 4,8%-ына ғана әсер етеді. Үкімет Қазақстанға қатысты қосымша баждарды қолданбау мүмкіндігін талқылау үшін АҚШ тарапымен консультациялар жүргізуге ниетті.

Қазақстан 10 жыл Дүниежүзілік сауда ұйымының (ДСҰ) мүшесі болып келеді және сыртқы сауда саясатын жүзеге асыруда ұйымның принциптерін қатаң ұстанады. АҚШ-пен екіжақты ынтымақтастық аясында Қазақстан халықаралық міндеттемелерге сәйкес саудада тең және кемсітушілікке жол бермейтін жағдайларды қамтамасыз етеді”, – деп мәлімдеді министрлік.

Бұған дейін Трамп Қазақстан тауарларына баж салығын 27% көтергені айтылды.

Талқылау