Ресейде қазақстандық кәсіптегі серіктесін өлтірді деп күдікке ілініп, ұсталды
Павлодарда бизнес-серіктесін өлтіріп қашып кеткен азамат Ресейде ұсталды. Ол елге экстрадицияланады. Бұл туралы Stan.kz ақпарат агенттігі хабарлайды.
Фото: freepik.com
Оқиға ақпан айында болған.
“Биыл ақпан айында полиция қызметкерлері жедел-іздестіру іс-шараларын жүргізу барысында Павлодар қаласында үйлердің бірінің ауласынан кәсіпкердің мәйіті табылды.
Павлодар облысы прокуратурасының үйлестіруімен Ресей Федерациясының Красноярск өлкесі Шарыпово қаласында қылмыстық қудалау органдары өзінің бизнес-серіктесін өлтірді деп күдіктелген Қазақстан азаматын ізінен ұстады”, – делінген хабарламада.
-
"Президент келерде ғана жол белгісін салған": Прокурор Ақтөбе әкімдігінің қызметкерін 8 жылға соттауды сұрады
Кісі өлтіру фактісі бойынша Қылмыстық кодекстің 99-бабы бойынша сотқа дейінгі тергеу басталды.
Қазір прокуратура күдіктіні елге экстрадициялау үшін шаралар қабылдап жатыр. Бұл қылмысты жасағаны үшін 15 жылға дейін бас бостандығынан айыру жазасы қарастырылған.