Зерттеуде 360 миллионнан астам шынайы пікірлерге қарап қалалар бағаланды. Саяхатшылар қонақүйлерде, жалға берілетін көліктерде немесе таксиде болғаннан кейін өздеріне ұнап-ұнамағанын жазып қалдырған.

Рейтинг жағымды саяхат тәжірибесін анықтайтын фактор ретінде қонақжайлық пен достықтың маңызын атап өтті.

"Бұл тізім кофеханалар мен жағажайлардан ортағасырлық қалалар мен тропикалық елді мекендерге дейінгі әлемдік бағыттардың әртүрлілігін көрсетеді. Олардың барлығы ұмытылмас оқиғаларға шабыттандырады", – деп атап өтті қызмет өкілдері.

2025 жылы әлемдегі ең қонақжай 10 орын:

Сигирия, Шри-Ланка;
Касорла, Испания;
Урубичи, Бразилия;
Таупо, Жаңа Зеландия;
Сент-Огастин, АҚШ;
Орвието, Италия;
Манисалес, Колумбия;
Кведлинбург, Германия;
Ко-Ланта, Тайланд;
Честер, Ұлыбритания.

Жаһандық рейтингте бірінші орынды ЮНЕСКО – ның бүкіләлемдік мұра тізіміне енген Шри-Ланканың Матале ауданындағы биіктігі 180 метр болатын бірегей жартас Сигирия иеленді. Бұл жер жергілікті қонақүйлердің қонақжай атмосферасымен танымал.

"Кез келген бастамаға қарсы шығатын адамдардың жетегінде кетпеу керек": Президент елімізде туризм саласының артта қалып жатқанын айтып ашуланды

Қазақстандықтар 2025 жылы қай елдерге визасыз бара алады

Екінші орында Испаниядағы Касорла, ал үшінші орынға Бразилиядағы Урубичи қаласы кірді. Ол өзінің табиғи сұлулығымен туристерді тартады. Төртінші орынды Жаңа Зеландиядағы Таупо алды. Ол көркем пейзаждар мен жайлы кафелерімен танымал.

Бесінші орында 1565 жылы құрылған және АҚШ-тағы ең көне қала ретінде танылған Сент-Августин орналасқан. Мұнда туристерді ерекше ежелгі тарих пен қонақжай атмосфера қызықтырады.

Честер Ұлыбританияның ең қонақжай жері атағына лайықты ие болды. Англияның солтүстігіндегі бұл тарихи қала өзінің бай сәулетімен әйгілі. Мұнда Рим қабырғалары, Тюдор ғимараттары бар. Booking.com жергілікті тұрғындар мен олардың жанды қоғамдастығының достық қарым-қатынасын атап өтті. Бұл қаланың атмосферасын шынымен жайлы етеді.

Талқылау