"Бұл орындар барлық қыс мезгілінде жұмыс істейді деп жоспарлануда. Аудандарда әкімдік балансында бар шыршалар орнатылады. Көшелерді жаңа жылдық безендіру үшін былтырғы гирляндалардың, қондырғылардың және басқа да әшекейлердің бір бөлігі пайдаланылатын болады. Қысқы демалыс үшін бірқатар қоғамдық кеңістіктер тақырыптық шағын сәулет нысандарымен және жарық қондырғыларымен безендіріледі", - делінген әкімдік хабарламасында.

Қаланың мерекелік безендірілуіне 696,7 миллион теңге бөлінеді. Оның ішінде:

"Есіл" ауданына – 183,9 миллион теңге;
"Алматы" және "Сарайшық" аудандарына - 165 миллион теңге;
"Байқоңыр" ауданына - 158,8 миллион теңге;
"Сарыарқа" ауданына – 110 миллион теңге;
"Нұра" ауданына – 79 миллион теңге бөлінеді.

"Есіл" ауданы қалай безендіріледі

Әкімдік мәліметінше, Қонаев және Достық көшелерінің бойындағы, "Бәйтерек" монументінің периметрі бойынша, сондай-ақ Мәңгілік ел даңғылындағы, "Ұлытау" ботаникалық бағы мен алаңындағы тірі ағаштар гирляндалармен және басқа да мерекелік элементтермен безендіріледі.

Жаңа жылдық тақырыптағы шағын сәулет нысандары "Бәйтерек" алдындағы алаңда, "Нұржол" бульварында, желілік саябақта, "Астана Балет" ғимаратының жанында және Мәңгілік ел даңғылының Ұлы дала көшесімен қиылысында орнатылады.

"Алматы" және "Сарайшық" аудандарында сырғанақтар мен мұз айдындары болады

Екі ауданның тұрғындары үшін негізгі нүктелер Қазақ елі алаңы, Оқушылар сарайының аумағы, Президенттік саябақ, Триатлон паркі мен Sana спорт кешені болады. Онда тұрғын үйлердің қоғамдық кеңістігінде сырғанақтар мен мұз айдындары орнатылады.

Байқоңыр ауданында жағалау жарықтандырылады

Аудандағы қысқы ойын-сауық үшін таңдалған басты орындар "Жастар" сарайы, Ататүрік саябағы мен Жазушылар аллеясындағы аумақтар болады. Онда әртүрлі жаңа жылдық безендірулер мен демалыс аймақтарымен мерекелік атмосфера жасалады. "Ақбұлақ" өзені арқылы өтетін көшелер мен көпір жаңа жылдық гирляндтарымен безендіріледі.

"Сарыарқа" ауданында табиғи жаңа жылдық шырша қойылады

Есіл өзенінің орталық жағалауында сырғанақ, мұз айдыны, тақырыптық архитектуралық құрылымдар шырша қойылады. Ал қала алаңында — үлкен сырғанақ, ауданы 600 шаршы метр мұз айдыны жаңа жылдық фотоаймақтар 13 метрлік табиғи шырша болады.

Көктал саябағында 18 метрлік шырша, мұз айдыны орнатылады. Сондай-ақ, жаңа жылдық фигуралар мен қондырғылар гүлзарларда, вокзалда және негізгі көшелерде пайда болады.

"Нұра" ауданында мұз айдындары салынды

Бүкіл отбасы үшін жаңа жылдық ойын-сауық орталық саябақта, "Зеленый квартал" ТК жанында, "Үркер" тұрғын алабында, Asia Park СОО жанында және "Астана Арена" стадионының аумағында ұйымдастырылады.

Әкімдіктің мәліметінше, көше бойында түнгі жарығы бар 40 шағын сәулет нысаны орнатылып, төрт мұз айдынының жұмысы ұйымдастырылмақ.

Талқылау