1 миллион қазақстандыққа 5 жылда жасанды интеллект технологиясы оқытылады
Цифрлық даму, инновациялар және аэроғарыш өнеркәсібі министрі Жаслан Мәдиев 5 жылда 1 миллион қазақстандыққа жасанды интеллект технологияларын оқытатынын жеткізді. Бұл туралы Stan.kz ақпарат агенттігі хабарлады.
Фото: pixabay.com
Министр жасанды интеллектпен кімдер оқытылатынын айтты.
“Біз 5 жылда 1 миллион адамды оқытуды жоспарлап отырмыз. Атап айтқанда 500 мың оқушы, 300 мың студент, 90 мың мемлекеттік қызметкер, 80 мың кәсіпкер мен халықтың 30 мың басқа санаты болады”, – деді министр.
Қазір министрлік мектеп оқушыларына арналған Tumo креативті технологиялар орталығын қоса алғанда, білім беру жобаларын іске қосу үстінде.
“Сондай-ақ қазан айында ЖИ саласындағы мамандарды даярлау үшін өңірдегі алғашқы TomorrowSchool жасанды интеллект мектебі ашылды. Осы бастамалардың барлығы еліміздің адами капиталын дамытуға, таланттарды анықтауға және IT-саланың дамуына ықпал етуге мүмкіндік береді”, – деп толықтырды Жаслан Мәдиев.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды