Ақтауда бір топ оқушы қатарласын жабылып ұрды: Олардың ата-анасы желіде кешірім сұрады (видео)
Желіде Ақтаудағы №24 мектеп оқушыларының ата-аналары ұлдарының жабылып қатарласын ұрғаны үшін кешірім сұрады. Ұлдары соққыға жығылған жәбірленуші тарап осыдан соң кешірім берді. Бұл туралы Stan.kz ақпарат агенттігі хабарлайды.
Фото видео кадрларынан
Видео Instagram желісінде пайда болды. Мұнда ата-аналар балаларының теріс қылықтары үшін кешірім сұраған. Тіпті видеода төбелеске қатысқан төрт бала да бар.
“Кешірім сұраймыз. Кеше полиция департаментіне барып бірнеше сұраққа жауап бердік. Балалар да өз қатесін түсінді”, – деді бір топ ата-ана.
Ал жәбірленуші тарап дәл сол видеода шығып, кешірім бергенін айтқан.
Еске салсақ, оқиға 15 қарашада №24 мектепте болған еді. Оқушылар топ болып бір ұлды ұрып тастады. Зардап шеккен оқушы балалар ауруханасына да, аймақтық көпсалалы ауруханаларға да жеткізілмеген.
Талқылау