"Қорқытып, ұрып-соғып, мазақ қылған": Астанада 9-сынып оқушылары қатарласына жабылып буллинг жасаған (Видео)

Астанада Ыбырай Алтынсарин атындағы №83 мектеп-гимназиясының оқушылары жабылып буллинг жасап, оны видеоға түсірген. Бұл туралы Stan.kz ақпарат агенттігі хабарлайды. 

Фото видео кадрларынан скрин 

Видео желіде пайда болды. Видео астындағы жазбада 9-сынып оқушыларының өз құрдастарын үнемі ұрып-соғатыны жазылған. 

"Оқушылар тобы үнемі басқа оқушыларды қорқытып, ұрып-соғып, мазақ қылған. Бұл ретте жаппай жабылатындардың құрамында шамамен 15 адам болған. Оқытушылар құрамы, меңгерушілер мен директор бұл жайтты білсе де, ешқандай шара қолданбайды деген ақпарат бар", – делінген хабарламада.

• “Іздемей-ақ қойыңыз, ұлыңыз суға батып кетті”: Атырау облысында 13 жасар ұлынан айырылған ана әділдікті талап етті

• "Жақындары мен достарынан ақша сұраған": Маңғыстауда бетіне оқ тиіп қаза болған сарбаздың анасы мәлімдеме жасады (видео) 

Бұл оқиғаға байланысты Астана полиция департаментінің баспасөз қызметі түсініктеме берді.

"Бұл факт бойынша оқиғаның барлық қатысушыcы, 9-сынып оқушылары анықталды. Оқушылардан ата-аналарының қатысуымен сұхбат алынды. Болған оқиғаның мән-жайы анықталды. Нәтижелері бойынша оқушылардың іс-әрекеттеріне құқықтық баға беріледі", – деді ведомство.