Ақтауда үш баласын өлтірген әкенің ісіне қатысты тергеу аяқталды
Ақтауда үш баласын өлтірді деп күдікке ілінген ер адамның ісі бойынша тергеу аяқталды. Қылмыстық іс прокурордың қарауына жіберілген, кейін сотқа жолданады. Бұл туралы Stan.kz ақпарат агенттігі хабарлайды.
Ер адам өз кінәсін мойындапты.
"Күдікті өз әрекетін мойындады. Қазір сотқа дейінгі тергеу аяқталды және танысу үшін прокуратураға жіберілді", – делінген Маңғыстау облысы полиция департаментінің хабарламасында.
Естеріңізге сала кетейік, 24 наурызда Ақтаудағы 27-ші шағынауданда 36 жастағы ер адам 3 баласын жауыздықпен өлтірді деген күдікке ілінген еді. Кейін ер адамның “Жусан” операциясы бойынша елге оралғаны туралы ақпарат тараған. Алайда полицейлер бұл мәліметті жоққа шығарды.
Қазір ер адамға қатысты Қылмыстық кодекстің 99-бабының 2-бөлігі (Кісі өлтіру) бойынша іс қозғалған.
Талқылау
Министр Нұртілеу ұсталды деген сыбыс қазақстандықтарды дүрліктірді: Бұл істің соңы немен бітті, Бажкенованы не күтіп тұр?
Соңғы күндері қазақстандық билік Гүлнәр Бажкеноваға бірнеше мәрте ескерту жасады
“50 жыл басқа елде тұрған ата-анам артымнан еріп, көшіп келді”: Қазаққа келін болып түскен корейлік ару жаңа отбасы туралы айтып берді
Екатерина Жанғарина: "Екі үлкен шәугім сүті бар шай беріп, "құя бер" деді"