Алматыда көліктің үстіне алып ағаш құлады (видео)
Алматының орталығында ескі алып ағаш көлік үстіне құлады, деп хабарлайды Stan.kz ақпарат агенттігі.
Оқиға 26 қарашада Гоголь мен Қалдаяқов көшелерінің қиылысында орын алған. Әлеуметтік желіде куәгерлер оқиғаның видеосын таратуда. Кадрда алып ағаштың жеңіл көлікке құлағанын көруге болады.
Қалалық ТЖ департаментінің хабарлауынша, сағат 13.19-да Медеу ауданының полицейлерінен хабарлама түскен. Құқық қорғау органдарының мәліметінше, Қалдаяқов көшесіндегі №28 үйдің маңында ағаш Kia Rio маркалы автокөлігіне құлаған.
"Оқиға орнына дереу 109 құтқару қызметінің, "Алматы тазалық" және Медеу ауданы ТЖ басқармасының қызметкерлері жіберілді. Көз жұмғандар мен зардап шеккендер жоқ. Қазір жолдың жүру бөлігін тазарту жұмыстары аяқталып жатыр. Оқиғаның мән-жайы анықталуда", - деді ТЖД.
Айта кетсек, бүгін Алматыны қалың қар басты.
"Акушерьге, дәрігерге, медбикеге бересің": Қазақстандықтар мемлекеттік перзентханалардың ақша бермесең қарамайтынын айтып, қызу талқылады
Әйел: “Әр қараған адамға 2 мың теңгеден екі күнге 60 мың теңге бердім”
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады