"Некедегі әйелге көз салатын мисыз емеспін": Олжас Абай даулы оқиғадан кейін жазба жариялады
Фото: https://www.instagram.com/ochooou_official/
Танымал актер Олжас Абай қызу талқыға түскен Дариға Бадықованың отбасына қатысты жазба жариялады. Бұл туралы Stan.kz ақпарат агенттігі хабарлайды.
Өнер иесі екі жастың ажырасып кетуіне себепкер емес екенін айтып, ақталды.
“Оу, ағайын! Өмірге ренішті болып, жаман сөз жазып, мені жерден алып, жерге салып жатқандарың орынды емес. Осы уақытқа дейін мен түскен киноларды көріп, “молодец” деп қошамет соғып едіңдер. Енді бір жақты ойлайтын адамның қызғанышына сеніп, менің өнерге деген шексіз сүйіспеншілігімді аяқ асты етпеңдер", – деді актер.
Одан кейін жеке өміріне қатысты әңгімелердің жалған, шындыққа жанаспайтынын жеткізді. Әріптесі Дариғамен кинода ғана серіктес екенін айтты.
“Некедегі әйелімен ажыраспай жатып көз салады дегендер — мені түсінбегендер. Әр нәрсенің соңы болады. Ешкім жауапсыз қалмайды. 15 жылда 25-тен аса кинотуындыға түсіп, халықтың миллиондаған қошеметіне бөленген актер ретінде мен өз еңбегіммен жетістікке жеттім. "Дариғадай мінезді, мықты актрисамен серіктес болып жұмыс істедім. Сол еңбегімді өнер жолындағы жетістік деп білемін. Басымды бала күннен тік көтеріп жүрмін, ары қарай да жүре берем”, – деді кино жұлдызы.
Еске салайық, Дариға Бадықованың күйеуі әйелінің көңілі басқа адамда екенін сезгенін жазған едік.
Данна Қарағұсова кім: Ол ғарышқа ұшу үшін қанша төлейді
