Назарбаевқа қатысы бар Астанадағы Антикордың бұрынғы басшысының Дубайда мүлкі бар екені анықталды

Фото: Шыңғыс Қабдуланың жеке архиві

Астананың сыбайлас жемқорлыққа қарсы агенттігінің бұрынғы басшысы Шыңғыс Қабдуланың Дубайда мүлкі бар болып шықты. Бұл туралы Stan.kz ақпарат агенттігі “Выход к морю” Telegram-арнасына сілтеме жасап хабарлайды. 

Сыбайлас жемқорлыққа қарсы агенттігінің Астана департаментінің бұрынғы басшысы Шыңғыс Қабдуланың отбасы Дубайдағы DAMAC Residence зәулім ғимаратында сәнді жылжымайтын мүлікке иелік етеді. Мұндай пәтерлердің құны 800 миллион теңгеге бағаланады.

Пәтер оның әйелі, Нұрсұлтан Назарбаевтың жиені және Қайрат Сатыбалдының әпкесі Әсел Сатыбалдықызының атына тіркелген.

Қабдуланың отбасы мүлік сатып алған зәулім ғимарат Дубай Маринасында орналасқан. Оның 85 қабаты бар, пәтерлердің көпшілігі әйгілі жасанды Пальма Джумейра аралына қарайды. Шыңғыс Қабдула мен Әсел Сатыбалдықызының пәтері ғимараттың 19-қабатында орналасқан. Онда екі жатын бөлме, үлкен қонақ бөлме және үлкен лоджия бар. Олар, сондай-ақ, жер асты тұрағында бір тұраққа иелік етеді.

Дубайдағы үй иесінің картасы, соның ішінде телефон нөмірі мен электрондық поштасының жариялануына қарағанда, қазақстандық WWT Group агенттігі оларға сатып алуға көмектескен, ал пәтердің өзі Қабдуланың отбасына 2018 жылы 720 000 долларға түскен. Қазір бұл зәулім ғимараттағы пәтерлердің орташа бағасы 1,4 миллион доллар немесе шамамен 800 миллион теңгеге тең.

Дубайдағы пәтерлермен мәміле жасалған жылы Қабдула сыбайлас жемқорлыққа қарсы күрес агенттігі төрағасының орынбасары болды. 2020 жылы ол агенттіктің астаналық департаментін қайтадан басқарды, онда ол 2022 жылдың наурызын дейін жұмыс істеді.

2022 жылы Қайрат Сатыбалды ісінде Әсел Сатыбалдықызы да болды. Қауіпсіздік күштері Әселдің мүлкінің бір бөлігін – көлігін және Астанадағы бірнеше жер учаскесін тәркіледі. Қайрат Сатыбалды алты жылға бас бостандығынан айырылғаннан кейін Әсел өзінің мүлкін тәркілеуге шағымданып, інісінің істеріне ешқандай қатысы жоқ екенін мәлімдеді. 

Қайрат Сатыбалды мен оның туыстарының Дубайда да активтері болған. SHAMS-4 тұрғын үй кешенінің 8-қабатындағы бір пәтер Қайрат Сатыбалдының өзіне тіркелген, ал 3 және 9 қабаттардағы үш пәтер оның бейресми әйелі Әсел Бақтиярқызына тіркелген. Бұл ғимараттағы тағы екі пәтер Назарбаевтың жиенінің тағы бір әйелі Саида Қанатбекқызына тиесілі. 

Активтерді қайтару комитеті Сатыбалдының Біріккен Араб Әмірліктеріндегі құны 20 миллиард теңге екі вилласы ғана қайтарылғанын ғана хабарлады.

2022 жылғы жағдай бойынша Дубайда қазақстандықтар жалпы құны 1 миллиард доллар болатын 2700 жылжымайтын мүлікке иелік еткен. Олардың арасында жоғары лауазымды шенеуніктер, саясаткерлер және бизнесмендер бар. Қазақстанның тұңғыш президентінің  отбасы мүшелері мен серіктестері онда ондаған миллион долларға бағаланатын активтер жинаған.