"Нан, сүт, жарма секілді тауарлар қымбаттайды": Әлеуметтік маңызы бар тауарларға қосымша құн салығы 16% мөлшерде қалады

Фото: pixabay.com

Мәжіліс отырысында ұлттық экономика министрі Серік Жұманғарин әлеуметтік маңызы бар тауарлар жалпы тәртіппен қосылған құн салығына 16% мөлшерінде қалатынын мәлімдеді. Бұл туралы Stan.kz ақпарат агенттігі хабарлайды.

Салық кодексінде әлеуметтік маңызы бар тауарларды сату қосымша құн салығынан босатылады деп көрсетілген еді. Алайда Сенат бұл норманы кодекстен алып тастады. Енді әлеуметтік маңызы бар азық-түлік өнімдері нан, сүт, жарма секілді тауарлар қосымша құн салығының 16% мөлшеріндегі жалпы шегіне сәйкес салық салынады. Бұл өнімдердің қымбаттауына әкелуі мүмкін.

Бүгін Мәжіліс бұл өзгерістермен келісті. Салық кодексі президентке қол қоюға жолданды. Жаңа нормалар 2026 жылдың 1 қаңтарынан бастап күшіне енеді.

"Неліктен біз бұлай жасадық? Арбитраж болмауы үшін. Өнімдердің басым бөлігі импорт. Кейбірі елімізде өндіріледі. Арбитраж болмау үшін біз оларды қосымша құн салығынан босатпау туралы шешім қабылдадық. Бірақ біз өндірушілерді қолдаудың басқа жолдарын табамыз", – деді Жұманғарин.

Оның айтуынша, жақын арада ұлттық экономика министрлігі "Инвестицияға тапсырыс" атты үлкен бағдарламаны жариялайды.

"Біз кәсіпорындарды өңірлер бойынша бөлеміз және дәл сол жетіспейтін 8–10 атаулы азық-түлік өнімдері бойынша қолдау көрсетеміз", – деді министр.

Салық кодексіне тағы қандай өзгерістер енгізілгені туралы мына жерден оқуға болады. Жаңа Салық кодексіндегі басты өзгерістердің бірі  қосымша құн салығы мөлшерлемесінің 12%-дан 16%-ға дейін көтерілуі (бастапқыда 20% ұсынылған еді) және қосымша құн салығы бойынша тіркеу шегінің 40 миллион теңге болып белгіленді.

Депутаттар жаңа Салық кодексін мақұлдады: Құжатқа енді президент қол қояды

Қазақстанда зейнетақылар, жәрдемақылар мен әлеуметтік төлемдер өседі

Еске салайық, бұған дейін Ұлттық статистика бюросы бір адам үш айда орта есеппен 158 648 теңгені тек азық-түлікке жұмсайтынын айтты. Бұл ақшаның көп бөлігі ет, нан, сүт, күріш пен қарақұмық сияқты негізгі өнімдерге кетеді. Көкөніс бағасы да шарықтап тұр. Іріктелген картоп – 460 теңге, жуылған сәбіз – 499 теңге. Сауда комитеті мұны маусымаралық кезеңмен байланыстырады, яғни көкөністер әлі толық жиналып бітпеген. Олар өнім толық шыққанда баға түседі деп үміттеніп отыр.