Мұғалімі интернаттағы тұрмысы төмен 13 жасар оқушысын 10 мың долларға сатпақ болған
Украинада тіл мен әдебиет пәнінің мұғалімі интернатта оқитын өз қарамағындағы 13 жасар қызды 10 мың долларға сатпақ болған.
Ол оқушы қызды интернат аумағынан алып кеткен жерінен ұсталды, деп жазады Украинаның ІІД басшысы Арсен Аваков желідегі парақшасында.
«52 жастағы Галина Иванова бір жыл бойы 13 жастағы оқушы қызды сатуды жоспарлап келген. Ол тұрмысы төмен отбасының қызын интернатқа алып, сатып алушы іздестіреді. Ақыры құжаттарын реттеп, сатып алушыдан ақша алып тұрған жерінде құрықталды», – дейді ол.
Қылмыс үстінде қолға түсіру жұмысы 4 айдан бері бақылауға алынды. 4 ай бұрын полицейлерге оның оқушыны саудаламақ болып жүргені жайлы ақпарат келіп түседі. Осы кезден бастап полицейлер бақылай бастайды. Ақыры кездесу орнын белгілеп, мұғаліммен кездеседі.
Украина елінің заң баптарына сәйкес адам саудасы, сексуалды қатынас мақсатында адам сату қылмысы үшін 3 жылдан 12 жылға дейін бас бостанығынан айырылады.
Қазір ұсталған азаматша жауап беру үстінде.
Жіберіп алмаңыз:
Татарстанда оқушы қызбен жыныстық қатынасқа түскен мұғалім әйелге үкім шықты
Мейрамхана қонағы тәрелкесіндегі етті көріп есінен тана жаздаған
Көлік жүргізушілері WhatsApp-тағы топ арқылы тұрғындарды үйлеріне тегін жеткізіп салуда
Сағадиев: ҰБТ-да талапкерлер 120 сұрақтан 140 балл жинап шығуы тиіс